இன்று சென்னையில் நடைபெறும் ‘தளபதி 69’ பட பூஜை!

தளபதி 69 படத்தின் பூஜை இன்று நடைபெற இருப்பதாக தகவல் வெளியாகியுள்ளது.
விஜய் நடிப்பில் கடைசியாக வெளியான கோட் திரைப்படம் ரசிகர்கள் மத்தியில் நல்ல வரவேற்பை பெற்று கிட்டத்தட்ட 430 கோடிக்கும் அதிகமாக வசூல் செய்துள்ளது. இதைத் தொடர்ந்து விஜய் தனது 69 வது திரைப்படத்தில் நடிக்க இருக்கிறார்.

தற்காலிகமாக தளபதி 69 என்று தலைப்பு வைக்கப்பட்டிருக்கும் இந்த படத்தினை ஹெச். வினோத் இயக்கப் போகிறார். கேவிஎன் ப்ரொடக்சன் நிறுவனம் இந்த படத்தை தயாரிக்கிறது. இந்த படம் அனிருத் இசையமைக்கிறார். சத்யன் சூரியன் இந்தப் படத்தில் ஒளிப்பதிவாளராக கமிட்டாகியுள்ளார். கடந்த சில தினங்களுக்கு முன்னர் இந்த படம் தொடர்பான அறிவிப்பு போஸ்டர் வெளியானது. அந்த போஸ்டரில் அடுத்த ஆண்டு அக்டோபர் மாதத்தில் இப்படம் திரைக்கு வரும் என குறிப்பிடப்பட்டிருந்தது.

அதைத் தொடர்ந்து பட குழுவினர் படத்தில் நடிக்கும் மற்ற நடிகர்களின் போஸ்டர்களை அடுத்தடுத்து வெளியிட்டு ரசிகர்களுக்கு இன்ப அதிர்ச்சி கொடுத்தனர்.அதன்படி பாபி தியோல், பூஜா ஹெக்டே, மமிதா பைஜூ, கௌதம் வாசுதேவ் மேனன், பிரியாமணி, நரேன், பிரகாஷ்ராஜ் உள்ளிட்டோர் தளபதி 69 படத்தில் இணைந்துள்ளதாக படக்குழு அதிகாரப்பூர்வமாக அறிவித்துள்ளது.

மேலும் ஏற்கனவே வெளியான தகவலின் படி இன்று (அக்டோபர் 4) இந்த படத்தின் பூஜை சென்னையில் நடைபெற இருப்பதாகவும் நாளை (அக்டோபர் 5) இதன் படப்பிடிப்பு தொடங்க இருப்பதாகவும் சொல்லப்படுகிறது. இருப்பினும் இது தொடர்பான அறிவிப்பு விரைவில் படக்குழுவினர் சார்பில் வெளியிடப்படும் என்று எதிர்பார்க்கப்படுகிறது.