மக்களவை தேர்தல் 3ம் கட்ட வாக்குப்பதிவு – 11 மணி நிலவரம் இதோ!

மக்களவை தேர்தலுக்கான 3ம் கட்ட வாக்குப்பதிவானது சத்தீஷ்கர், அசாம், பீகார், குஜராத் உள்ளிட்ட 11 மாநிலங்களில் 11 மணி நிலவரப்படி 25.41% வாக்குகள் பதிவாகியுள்ளன.

மத்திய பாஜக அரசின் பதவிக்காலம் இந்த மாதத்துடன் நிறைவு பெறுகிறது. இதனையடுத்து புதிய அரசை தேர்ந்தெடுப்பதற்காக இந்திய தேர்தல் ஆணையம் 18வது மக்களவை தேர்தலை நடத்தி வருகிறது. மொத்த ஏழு கட்டங்களாக தேர்தல் நடத்தப்படும் என தேர்தல் ஆணையம் முன்னதாக அறிவித்து இருந்தது. அதாவது, ஏப்.19, 26, மே 7, 13, 20, 25, ஜூன் 1 ஆகிய தேதிகளில் தேர்தல் நடத்தப்படும் என அறிவிக்கப்பட்டிருந்தது. இதுவரை இரண்டு கட்ட தேர்தல் நடந்து முடிந்துள்ளது. கடந்த ஏப்ரல் 19-ஆம் தேதி தமிழ்நாடு, புதுச்சேரி உள்ளிட்ட மாநிலங்களில் முதல்கட்ட வாக்குப்பதிவு நடைபெற்றது. இதனை தொடர்ந்து இரண்டாம் கட்டமாக கடந்த ஏப்ரல் 26ம் தேதி கேரளா, கர்நாடகா உள்ளிட்ட 11 மாநிலங்களில் உள்ள 88 தொகுதிகளுக்கு வாக்குப்பதிவு நடைபெற்றது.

இந்த நிலையில் 3ம் கட்ட வாக்குப்பதிவானது இன்று காலை 7 மணிக்கு தொடங்கி நடைபெற்று வந்தது. இதில் காலை 11 மணி நிலவரப்படி 12 மாநிலங்களில் 25.41% வாக்குகள் பதிவாகியுள்ளன. மாநிலங்கள் வாரிய பதிவான வாக்குகளான பீகார் 24.41%, மத்திய பிரதேசம் 30.21%, உத்திர பிரதேசம் 26.12%, குஜராத் 24.35%, அசாம் 27.34%, சத்தீஸ்கர் 29.90%, டையூ டாமன் 24.69%, கோவா 30.94%, குஜராத் 24.35%, கர்நாடகா 24.48%, மகாராஷ்டிரா 18.18%, மேற்கு வங்கம் 32.82% என பதிவாகியுள்ளன.