லக்னோ அணிக்கு எதிரான போட்டியில் கொல்கத்தா அணி திரில் வெற்றி!

லக்னோ அணிக்கு எதிரான போட்டியில் திரில் வெற்றி பெற்ற கொல்கத்தா அணி தனது 4வது வெற்றியை பதிவு செய்தது.

ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 27 லீக் போட்டிகள் நடந்து முடிந்துள்ளன. இந்த நிலையில், இன்று 28வது லீக் போட்டி நடைபெற்றது. கொல்கத்தா ஈடன் கார்டன் மைதானத்தில் மைதானத்தில் இன்று மாலை 3.30 மணிக்கு நடைபெற்ற 28வது லீக் போட்டியில் ஸ்ரேயர்ஸ் அய்யர் தலைமையிலான கொல்கத்தா நைட் ரைடர்ஸ் அணியும் கேஎல் ராகுல் தலைமையிலான லக்னோ சூப்பர் ஜெயண்ட்ஸ் அணியும் பலப்பரீட்சை நடத்தின.

இப்போட்டியில் டாஸ் வென்ற கொல்கத்தா அணியின் கேப்டன் ஸ்ரேயர்ஸ் அய்யர் முதலில் பந்துவீச்சை தேர்வு செய்தார். இதனைத்தொடர்ந்து லக்னோ அணி முதலாவது பேட்டிங் விளையாடவுள்ளது. லக்னோ அணியில் தொடக்க ஆட்டக்காரர்களாக களமிறங்கிய கேஎல் ராகுல் 39 ரன்னிலும் குயிண்டன் டிகாக் 10 ரன்னிலும் ஆட்டமிழந்தனர். அடுத்து களமிறங்கிய தீபக் கூடா 8 ரன்னிலும் ஆட்டமிழந்தனர். அடுத்து களமிறங்கிய ஆயுஷ் பதோனி 29 ரன்னிலும் ஆட்டமிழந்தனர். இறுதியில் அணியானது 20 ஓவர்க்ள் முடிவில் 7 விக்கெட்டுகள் இழந்து 161 ரன்கள் எடுத்தது.

பின்னர் 162 ரன்கள் எடுத்தால் வெற்றி என்ற இலக்குடன் கொல்கத்தா அணியில் தொடக்க ஆட்டக்காரர்களாக களமிறங்கிய பில் சால்ட் 89 ரன்கள் எடுத்து அவுட் ஆகாமல் இருக்க சுனில் நரேன் 6 ரன்னில் ஆட்டமிழந்தார். அடுத்து களமிறங்கிய ரகுவன்ஷி 7 ரன்னில் ஆட்டமிழக்க அடுத்தாவது களமிறங்கிய ஸ்ரேயர்ஸ் அய்யர் 38 ரன்கள் எடுத்து ஆட்டமிழக்காமல் இருந்தார். இறுதியில் அணியானது 20 ஒவர்கள் முடிவில் 2 விக்கெட்டுகள் இழந்து 162 ரன்கள் எடுத்து அபார வெற்றி பெற்றது.