குஜராத் அணிக்கு 143 ரன்கள் இலக்காக நிர்ணயித்தது பஞ்சாப் அணி!

குஜராத் அணிக்கு எதிரான போட்டியில் பஞ்சாப் அணி முதலாவது பேட்டிங்கில் 20 ஓவர்கள் முடிவில் அனைத்து விக்கெட்டுகளையும் இழந்து 142 ரன்கள் எடுத்துள்ளது.

17வது ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 35 லீக் போட்டிகள் நடந்து முடிந்துள்ளன. இந்த நிலையில், இன்று இரண்டு போட்டிகள் நடைபெறுகிறது முல்லாப்பூரில் உள்ள மைதானத்தில் இன்று இரவு 7.30 மணிக்கு நடைபெறும் 37வது லீக் போட்டியில் சாம் கரண் தலைமையிலான பஞ்சாப் கிங்ஸ் அணியும் சுப்மான் கில் தலைமையிலான குஜராத் டைட்டன்ஸ் அணிகளும் பலப்பரீட்சை நடத்தின.

இப்போட்டியில் டாஸ் வென்ற பஞ்சாப் அணியின் கேப்டன் சாம் கரண் முதலில் பேட்டிங்கை தேர்வு செய்தார். இதன் காரணமாக குஜராத் அணி முதலாவது பந்துவீசியது. பஞ்சாப் அணியின் தொடக்க ஆட்டக்காரர்களாக களமிறங்கிய சாம் கரண் 20 ரன்னிலும் பிரப்சிம்ரன் சிங் 35 ரன்னிலும் ஆட்டமிழந்தனர். அடுத்து களமிறங்கிய ரில்லி ருசோ 9 ரன்னிலும் ஜிதேஷ் சர்மா 13 ரன்னிலும் ஆட்டமிழந்தனர். இறுதியில் அணியானது 20 ஓவர்கள் முடிவில் அனைத்து விக்கெடுகளையும் இழந்து 142 ரன்களுக்கு ஆல் அவுட் ஆனது. பின்னர் 143 ரன்கள் எடுத்தால் வெற்றி என்ற எளிதான இலக்குடன் குஜராத் அணி விளையாடவுள்ளது.