“பா.ஜ.க.வுடன் ராமதாஸ் கூட்டணி வைத்தது ஏன்?”- முதலமைச்சர் மு.க.ஸ்டாலின் சரமாரி கேள்வி!

“பா.ஜ.க.வுடன் ராமதாஸ் கூட்டணி வைத்தது ஏன்?” என்று முதலமைச்சர் மு.க.ஸ்டாலின் கேள்வி எழுப்பியுள்ளார்.

“குடிமராமத்துப் பணிகளை செய்தது அ.தி.மு.க.”- எடப்பாடி பழனிசாமி பரப்புரை!

தருமபுரி மாவட்டத்தில் நடந்த மக்களவைத் தேர்தல் பிரச்சார பொதுக்கூட்டத்தில் பங்கேற்று பேசிய தி.மு.க.வின் தலைவரும், முதலமைச்சருமான மு.க.ஸ்டாலின், “மத்திய அரசு சாதிவாரி கணக்கெடுப்பை நடத்த வேண்டும். பா.ஜ.க. கூட்டணிக்கு ராமதாஸ் ஏன் சென்றார் என்று அவரது கட்சியினருக்கே தெரியும். மக்களின் நலனுக்காகவே பாடுபடும் கூட்டணி இந்தியா கூட்டணி. பழங்குடியின, பட்டியலின மக்களுக்கான பல திட்டங்களை தி.மு.க. அரசு கொண்டு வந்தது.

வன்னியர் இடஒதுக்கீட்டிற்காக தி.மு.க. போராடியது. அ.தி.மு.க.வும், பா.ம.க.வும் மாறி மாறி வன்னியர் இடஒதுக்கீடு தொடர்பாக குற்றம் சொல்கின்றனர். எந்த சமூகம் இருந்தாலும், அந்த சமூகத்தின் மேம்பாட்டிற்காக பாடுபடும் சமூகநீதி இயக்கம் தி.மு.க. சாதிவாரி கணக்கெடுப்பு குறித்து பிரதமர் நரேந்திர மோடியிடம் உத்தரவாதம் பெற்றாரா ராமதாஸ். சாதிவாரி கணக்கெடுப்பிற்கு பா.ஜ.க. முட்டுக்கட்டை போட்டுள்ளது.

டிஜிட்டல் தொழில்நுட்பம்- பிரதமருடன் உரையாடிய மைக்ரோசாஃப்ட் நிறுவனர் பில்கேட்ஸ்!

மாநில அரசால் சாதிவாரி குறித்து ஆய்வு தான் நடத்த முடியும். கணக்கெடுப்பு நடத்த முடியாது. தாய் வீட்டு சீராக மகளிர் உரிமைத்தொகையை பெண்கள் நினைக்கின்றனர். இந்திய வரலாற்றிலேயே மிக முக்கியமான தேர்தல் இது. ஜனநாயகம் பாதுகாக்கப்பட, சமத்துவத்தை காக்க பா.ஜ.க. ஆட்சியை வீட்டுக்கு அனுப்ப வேண்டும். சமத்துவத்தை கிலோ என்னவென்று கேட்கும் கட்சி தான் பா.ஜ.க.” என்று குற்றம் சாட்டியுள்ளார்.