தேர்தல் ஆணையத்தின் அணுகுமுறை ஆளுங்கட்சிக்கு ஆதரவாக ஒரு சார்பாக இருக்கிறது – திருமாவளவன்!

தேர்தல் ஆணையத்தின் அணுகுமுறை ஆளுங்கட்சிக்கு ஆதரவாக ஒரு சார்பாக இருக்கிறது என விடுதலை சிறுத்தைகளின் கட்சியின் தலைவர் திருமாவளவன் அரியலூரில் செய்தியாளர்களுக்கு பேட்டியளித்துள்ளார்.

அரியலூரில் உள்ள கல்லூரியில் வைக்கப்பட்டுள்ள சிதம்பரம் மக்களவை தொகுதி வாக்குப்பதிவு இயந்திரங்களை திருமாவளவன் இன்று பார்வையிட வந்தார். இதனைத்தொடர்ந்து செய்தியாளர்கள் சந்திந்த அவர் கூறியவதாவது, மக்களவை தேர்தலில் காங்கிரஸ் மற்றும் இந்தியா கூட்டணி கட்சிகள் வெற்றி பெற்றிவிடும் என்கிற அச்சத்தில் பிரேதமர் நரேந்திர மோடி பேசி வருகிறார். தொடக்கத்தில் இருந்தே இந்திய தலைமை தேர்தல் ஆணையத்தின் செயல்பாடுகள் அதிர்ச்சி அளிக்கும் வகையில் உள்ளது. தேர்தல் ஆணையத்தின் அணுகுமுறை ஆளுங்கட்சிக்கு ஆதரவாக ஒரு சார்பாக இருக்கிறது. தேர்தல் பிரசார விவகாரங்களில் யார் மீது குற்றம் சுமத்தப்படுகிறதோ அவருக்கு விளக்கம் கேட்டு தேர்தல் ஆணையம் அறிக்கை அனுப்ப வேண்டும்.

தொடர்ந்து பேசிய அவர் தேர்தல் பிரசாரத்தில் மோடி பேசிய பேச்சிற்கு அவரிடம் விளக்கம் கேட்டு அறிக்கை அனுப்ப வேண்டிய தேர்தல் ஆணையம், மாறாக பாஜக தேசிய தலைவர் ஜேபி நட்டாவுக்கு அனுப்பியது ஏன் என்று விளங்கவில்லை. பிரதமர் மோடியிடன் விளக்கம் கேட்பதற்கு கூட தேர்தல் ஆணையம்ம் அஞ்சுகிறது. தேர்தல் ஆணையத்தின் இந்த அணுகுமுறை ஒரு சார்பாக, ஆளுங்கட்சிக்கு சாதகமான அணுகுமுறையாக தோன்றுகிறது என இவ்வாறு அவர் கூறினார்.