சற்று குறைந்தது தங்கம் விலை – சவரனுக்கு ரூ.80 குறைவு!

சென்னையில் இன்று தங்கம் விலை சவரனுக்கு ரூ.80 குறைந்து ஒரு சவரன் தங்கத்தின் விலை ரூ.52,800-க்கு விற்பனை செய்யப்பட்டு வருகிறது.

சர்வதேச அளவில் நிகழும் பொருளாதார மாற்றம் மற்றும் அமெரிக்க டாலரின் மதிப்பு உள்ளிட்டவற்றின் காரணமாக தங்கம் விலை ஒவ்வொரு நாளும் ஏற்ற இறக்கங்களை சந்தித்து வருகிறது. அந்த வகையில் சென்னையில் தங்கம் விலை கடந்த சில நாட்களாக ஏற்ற, இறக்கங்களை சந்தித்து வருகிறது. ஒரு நாள் ஏறுவதும், மறுநாள் இறங்குவதுமாக தங்கம் விலை இருந்து வருகிறது. இந்த நிலையில், நேற்று முன் தினம் சென்னையில் ஆபரண தங்கம் விலை சவரனுக்கு 80 ரூபாய் உயர்ந்து ஒரு சவரன் தங்கம் ரூ.52,880-க்கு விற்பனை செய்யப்பட்டது. இதேபோல் ஆபரண தங்கம் கிராமுக்கு 10 ரூபாய் உயர்ந்து ஒரு கிராம் தங்கம் ரூ.6,610-க்கு விற்பனை செய்யப்பட்டது. நேற்று சென்னையில் ஆபரண தங்கத்தின் விலை சவரனுக்கு ரூபாய் 240 உயர்ந்து சவரனுக்கு ரூ.53,120-க்கும் விற்பனை செய்யப்பட்டது.

இந்த நிலையில்,. சென்னையில் இன்று தங்கம் ஆபரண தங்கத்தின் விலை சவரனுக்கு 80 ரூபாய் குறைந்துள்ளது. இதன் காரணமாக ஒரு சவரன் தங்கத்தின் விலை ரூ.53,040-க்கும் விற்பனை செய்யப்பட்டு வருகிறது. இதேபோல் ஆபரண தங்கத்தின் விலை கிராமுக்கு 10 ரூபாய் குறைந்து ஒரு கிராம் தங்கம் ரூ.6,630-க்கும் விற்பனை செய்யப்பட்டு வருகிறது. நேற்று தங்கம் விலை உயர்ந்த நிலையில் இன்று தங்கம் விலை குறைந்துள்ளதால் இல்லத்தரசிகள் மகிழ்ச்சியடைந்துள்ளனர்.